Aİ Ukraynaya 50 milyard avroluq yardım paketi hazırlayır
Avropa İttifaqı (Aİ) Ukraynaya 50 milyard avroluq maliyyə yardımı paketi təklif etməyə hazırlaşır.
NUHÇIXAN xəbər verir ki, bu barədə “Bloomberg” agentliyi məlumat yayıb.
Bildirilib ki, plan ictimaiyyətə açıqlanmadan əvvəl dəyişikliklərə məruz qala bilər.
“Avropa Komissiyası Ukraynaya qrantlar, güzəştli kreditlər və zəmanətlər şəklində yardım təklif etməyə hazırlaşır. Paket bazar kreditləri hesabına deyil, Aİ-yə üzv dövlətlər tərəfindən maliyyələşdiriləcək. Ukraynaya dəstək planı Aİ-nin 2021-2027-ci illər üçün uzunmüddətli büdcəsinə yenidən baxılması çərçivəsində həyata keçiriləcək. Vəsait Ukraynanın qanunun aliliyinin möhkəmləndirilməsinə və korrupsiyaya qarşı mübarizəyə yönəlmiş islahatlar aparması şərti ilə ödəniləcək”, - agentliyin məlumatında deyilir.