Türkiyə Silahlı Qüvvələri təminat texnikaları parkını milli istehsalla gücləndirir - VİDEO
Türkiyə Müdafiə Sənayesi İdarəsi 8x8 təkərli konteyner daşıyıcı vasitə (DROPS) layihəsi çərçivəsində ilk tədarükünü uğurla tamamlayıb.
NUHÇIXAN Türkiyə mediasına istinadən xəbər verir ki, Quru Qoşunları Komandanlığının ehtiyaclarını qarşılamaq üçün “Koluman” şirkəti tərəfindən hazırlanan “DERMAN” arxa cəbhə təminatı avtomobillərinin ilk partiyası Türkiyə Silahlı Qüvvələrinə təhvil verilib.
Zirehli tank texnikalarının, mərmi və sursatların əməliyyat bölgəsinə daşınması, komanda məntəqələri və bənzəri strukturların istənilən yerlərə aparılması, zədələnmiş vasitələrin xilas edilməsi məqsədilə hazırlanan “DERMAN” texnikası NATO standartlarına uyğun yüksək ballistik mühafizəsi, çətin relyefli ərazilərdə yüksək hərəkət qabiliyyəti, 20 tonluq konteyner daşımaq imkanı və digər üstün keyfiyyətləri ilə seçilir.