Kəbənin örtüyü yenilənib

Kəbənin köhnə örtüyü, hər il olduğu kimi, çıxarılaraq yenisi ilə əvəzlənib.

NUHÇIXAN Səudiyyə Ərəbistanının SPA agentliyinə istinadla xəbər verir ki, dəyişdirmə işləri xüsusi qrup tərəfindən həyata keçirilib.

Ümumilikdə 45 hissədən ibarət olan Kəbə örtüyü 850 kiloqram xalis ipək parça üzərində motiv və xətlər üçün işlənən 120 kiloqram qızıl və 100 kiloqram gümüşdən ibarətdir.

Kəbənin örtüyü ənənəvi olaraq hər hicri ilinin birinci günü, məhərrəm ayının 1–də dəyişdirilir. Örtük Məkkədəki Kral Əbdüləziz Kəbə Örtük Kompleksində 200 mütəxəssis tərəfindən hazırlanır.