Etirazçılar İsveçin Bağdaddakı səfirliyinin binasını yandırıblar
Stokholm polisinin icazə verdiyi Quran nüsxəsinin yandırılması ilə bağlı yeni aksiyaya etiraz edənlər İsveçin Bağdaddakı səfirliyinə soxulublar.
NUHÇIXAN xəbər verir ki, bu barədə “Reuters” agentliyi məlumat yayıb.
Məlumata görə, nümayişçilər diplomatik nümayəndəliyin binasını yandırıblar. Səfirlik əməkdaşlarından heç kim xəsarət almayıb. İsveçin Bağdaddakı diplomatik missiyasının nümayəndələri agentliyin insidentlə bağlı şərh istəməsinə cavab verməyiblər.