Əlcəzairdə meşə yanğınları nəticəsində 15 nəfər ölüb
Əlcəzairin Becaya və Buira dağlıq rayonlarında baş verən meşə yanğınları nəticəsində 15 nəfər ölüb.
NUHÇIXAN “Reuters”ə istinadən xəbər verir ki, məlumatı Əlcəzairin Daxili İşlər Nazirliyi yayıb.
Bildirilib ki, yanğını nəzarət altına almaq məqsədilə 7500 yanğınsöndürən fəaliyyət göstərir.
Əlcəzairin Bumerdes, Tizi-Uzu, Cicel və Skikda rayonlarından 1500 sakin təxliyə edilib.
Qeyd edək ki, Afrikanın şimalında, Tunisdə güclü isti axınının yaranması nəticəsində havanın temperaturu 49 dərəcə selsi olub.