Romada imperator Neronun tikdirdiyi teatrın qalıqları aşkarlanıb

İtaliyanın paytaxtı Romada eramızdan əvvəl 54-68-ci illərdə imperator olan Neronun inşa etdirdiyi teatrın qalıqları tapılıb.

NUHÇIXAN xəbər verir ki, arxeoloqların Vatikan yaxınlığındakı Rover sarayının ərazisində 2020-ci ildən etibarən apardıqları qazıntı işləri nəticəsində bu tarixi qalıqlar aşkar edilib. Qazıntılar zamanı mərmər sütunlar, qızıldan olan gips bəzəklər və teatr dekorasiyası üçün istifadə olunan otaqlar aşkarlanıb.

Mütəxəssislər bu tapıntını indiyədək aşkarlanan arxeoloji kəşflərin ən yaxşısı kimi qiymətləndiriblər.