İsveçdə mədəniyyət festivalında toqquşma olub, 50 nəfər xəsarət alıb

Stokholm şəhərində keçirilən “Eritreya Skandinaviya” mədəniyyət festivalında baş verən toqquşma nəticəsində 50-dən çox insan, o cümlədən üç polis əməkdaşı xəsarət alıb.

NUHÇIXAN xəbər verir ki, həkimlər xəstəxanalara yerləşdirilən 15 yaralıdan 8-nin vəziyyətini ağır qiymətləndirir.

İsveç hakimiyyət orqanlarının məlumatına görə, hadisəyə minə yaxın etirazçının festivalın keçirildiyi əraziyə gələrək polisi daşa basması səbəb olub. İğtişaşda iştirak edən 100-dən çox şəxs saxlanılıb.

“Eritreya Skandinaviya” festivalı 30 il öncə Efiopiyadan müstəqillik qazanan ölkənin mədəni irsinin təbliği məqsədi daşıyır. Buna baxmayaraq, 1990-cı ildən bəri hər il keçirilən festivalda Eritreya hakimiyyətini dəstəkləyən şəxslərin iştirakı etirazla qarşılanır. Hazırda İsveçdə on minlərlə Eritreya əsilli insan yaşayır.