Əlcəzairdə meşə yanğınları yenidən başlayıb
Əlcəzairin şərq və mərkəzi hissələrində yerləşən meşələrdə yanğınlar yenidən başlayıb.
NUHÇIXAN xəbər verir ki, Əlcəzair Mülki Müdafiə Təşkilatının məlumatına görə, ölkənin şərqindəki Bicaye şəhərində 4-ü olmaqla, ümumilikdə 6 əyalətdə 10 meşə yanğınının baş verdiyi qeyd edilib.
Açıqlamada ölkənin şərq və mərkəzi bölgələrindəki Burc Bureyrec, Medea, Hanşala, Bicaye, Tizi Vizu və Cicel şəhərlərində meşə yanğınlarının olduğu və ətraf əyalətlərdə mülki müdafiə qruplarına müraciət edildiyi bildirilib.
Açıqlamada, baş verə biləcək fəlakətə qarşı 13 ailənin bölgədən təxliyə edildiyi söylənilib.
Bicaye və Cicel prokurorları, iyulun 23-dən başlanan meşə yanğınlarında 34 nəfərin həyatını itirdiyini açıqlayıb.