Ermənistanda ABŞ-dən göndərilən çay bağlamasında həşiş aşkarlanıb

Ermənistanda narkotik qaçaqmalçılığı ilə məşğul olan şəxs saxlanılıb.

NUHÇIXAN xəbər verir ki, bu barədə Ermənistanın Dövlət Gəlirləri Komitəsinin mətbuat xidməti məlumat yayıb.

Məlumata əsasən, ABŞ-dən göndərilən çay bağlamasında gizlədilmiş 1170 qram həşiş aşkarlanıb və bununla bağlı keçirilmiş əməliyyat-istintaq tədbirləri nəticəsində İrəvanda Ermənistan vətəndaşı saxlanılıb.

Saxlanılan zaman onun üzərindən tiryəkə bənzər narkotik vasitə və ağ rəngli toz halında psixotrop maddə aşkar edilib. Hazırda faktla bağlı araşdırma aparılır.