Türkiyədə daş kömür mədəni çöküb, ölən və yaralananlar var
Türkiyənin Zonquldak şəhərində daş kömür mədəninin bir hissəsinin çökməsi nəticəsində 1 nəfər ölüb, 3 nəfər yaralanıb.
NUHÇIXAN xəbər verir ki, bunu Zonquldak valisi Osman Hacbektaşoğlu bildirib.
Onun sözlərinə görə, hadisə baş verən zaman mədəndə 280 nəfər olub.
Hadisə yerində 75 nəfərdən ibarət axtarış-xilasetmə qrupu fəaliyyət göstərir. Əraziyə polis əməkdaşları, tibbi heyət, AFAD və Türkiyə Daşkömür Qurumunun (TDQ) nümayəndələri cəlb edilib.
Armutçuk müəssisəsinə məxsus mədənin çökməsinin səbəbi hələ ki məlum deyil.