Almaniya və İsrail “Arrow 3” raket sisteminin alınmasına dair saziş imzalayıb
Almaniya İsrail istehsalı olan “Arrow 3” hipersəs raket sisteminin alınması ilə bağlı istehsalçı ölkə ilə saziş bağlayıb.
Bu barədə NUHÇIXAN AFP-yə istinadən xəbər verir.
Almaniyanın müdafiə naziri Boris Pistorius israilli həmkarı Yoav Qallant ilə birgə keçirdiyi mətbuat konfransında sazişin imzalanmasının hər iki ölkə üçün tarixi gün olduğunu bildirib. Təxminən 3,5 milyard dollar dəyərində olan sövdələşmə İsrail hərbi sənayesi tarixində ən böyük sövdələşmədir.