Ərdoğan Qərbi ikili standartlarda qınayıb: “Türkiyənin narahatlıqlarını nəzərə almırlar”
"Başsağlığılar Türkiyənin terrorla mübarizəsinin uğurla başa çatması üçün kifayət deyil".
NUHÇIXAN xəbər verir ki, bunu ölkə Prezidenti Rəcəb Tayyib Ərdoğan deyib.
O bildirib ki, Türkiyə əli qana batan terrorçulara qarşı mübarizə aparır: "Bəzi dövlətlər və beynəlxalq təşkilatlar Türkiyənin təhlükəsizliklə bağlı narahatçılıqlarını nəzərə almırlar. Halbuki, məsələ öz təhlükəsizliklərindən gedəndə heç bir sərhəd tanımırlar. Bu, ikili standartdır”.
R.T.Ərdoğan qeyd edib ki, beynəlxalq ictimaiyyətin başsağlığıları Türkiyənin terrorla mübarizəsinin uğurla başa çatması üçün kifayət deyil.
Türkiyə lideri beynəlxalq ictimaiyyəti ədalətli olmağa çağırıb.