Rusiya və Ukraynadan taxıl daşıyan yük gəmiləri Mərmərə dənizində toqquşub
Rusiya və Ukraynadan taxıl daşıyan yük gəmiləri Mərmərə dənizində toqquşub.
NUHÇIXAN RBK-ya istinadən xəbər verir ki, bu barədə Türkiyə Sahil Mühafizə Baş İdarəsi bildirib.
Qeyd edilib ki, Ukraynanın İzmail şəhərindən İspaniyanın Valensiya limanına hərəkət edən taxılla dolu “HAJE HALIMEH” gəmisi ilə Rusiyanın Krasnodar diyarının Qafqaz limanından İsrailin Aşdod şəhərinə hərəkət edən "ASOMTAOS" gəmisi Mərmərə dənizində toqquşub. Zədələnmiş gəmiləri Türkiyənin Təkirdağ şəhərinə yola salıblar.
"ASOMATOS" Panama bayrağı altında üzürmüş. 2003-cü ildə tikilən bu gəminin uzunluğu 169, Kamar adaları bayrağı altında üzən “HAJE HALIMEH” gəmisinin uzunluğu isə 122 metrdir.