Netanyahu: “Biz döyüşçülərimizlə hazırıq”
“Biz döyüşçülərimizlə hazırıq”.
NUHÇIXAN xəbər verir ki, bunu İsrailin Baş naziri Benyamin Netanyahu “X” sosial şəbəkəsindəki hesabında ölkənin Müdafiə Qüvvələrinin əsgərləri ilə çəkilmiş, Qəzza zolağına hücum etməyə hazır olduğunu bildirən videoçarxında yazıb.
Baş nazir həmçinin ölkəsinin sarsıdıcı zərbə vuracağına və Fələstin-İsrail münaqişəsində qalib gələcəyinə əmin olduğunu bildirib.
Qeyd edək ki, oktyabrın 7-də HƏMAS İsrailə bir neçə min raket atıb və “Əl-Əqsa daşqını” əməliyyatının başladığını elan edib. Minlərlə yaraqlı İsrail ərazisini işğal edərək onlarla hərbi texnikanı ələ keçirib, 200-dən çox insanı girov götürüb. Bu fonda İsrailin Baş naziri ölkənin müharibə vəziyyətində olduğunu açıqlayıb.