Qazaxıstanda birgünlük matəm elan olunub

Qazaxıstanda Karaqanda daş kömür şaxtasında baş verən qəzanın qurbanlarının xatirəsinin yad edilməsi üçün oktyabrın 29-u matəm elan olunub.

NUHÇIXAN Qazaxıstan Prezidentinin mətbuat xidmətinə istinadən xəbər verir ki, bu barədə dövlət başçısı Kasım-Jomart Tokayev sərəncam imzalayıb. O həmçinin hadisə yerinə gedib.

Xatırladaq ki, Karaqandada yerləşən daş kömür şaxtasında metan qazının partlaması zamanı baş verən yanğın nəticəsində indiyədək 21 işçinin meyiti aşkarlanaraq çıxarılıb, daha 23 nəfər isə orada qalıb. Hadisə zamanı şaxtada 252 nəfər olub.