Tehranda Xəzər dənizində gəmiçiliyin təhlükəsizliyi məsələsi müzakirə ediləcək

İran, Azərbaycan, Rusiya, Qazaxıstan və Türkmənistan nümayəndələrinin iştirakı ilə dekabrın 20-də Tehranda Xəzər dənizində gəmiçiliyin təhlükəsizliyi məsələsi müzakirə ediləcək.

NUHÇIXAN-ın məlumatına görə, İranın Dəniz və Limanlar Təşkilatının sədr müavini Hadi Haqşenas AZƏRTAC-a bildirib ki, iclasda yükdaşımaların təhlükəsizliyinin təmin olunması ilə yanaşı, su sərhədinin nəzarətdə saxlanılması, əməkdaşlıq əlaqələrinin genişləndirilməsi və ekoloji problemlər də müzakirə ediləcək.