Türkiyədə spirtli içki qaçaqmalçılığına qarşı genişmiqyaslı əməliyyat keçirilib
Türkiyədə spirtli içki qaçaqmalçılığının və saxta içki emalının qarşısının alınması məqsədilə genişmiqyaslı əməliyyat keçirilib.
NUHÇIXAN xəbər verir ki, bu barədə Türkiyənin daxili işlər naziri Ali Yerlikaya bildirib.
Nazirin sözlərinə görə, “Çəngəl” adı altında aparılan əməliyyat nəticəsində spirtli içki qaçaqmalçılığında şübhəli bilinən 216 nəfər saxlanılıb. Ölkənin 81 vilayətində, eyni zamanda, keçirilən əməliyyatda böyük miqdarda saxta spirtli içki müsadirə edilib.