Qazaxıstanda dövlət saytlarının fəaliyyəti dayanıb

Qazaxıstanda dövlət qurumlarına məxsus bir sıra saytların fəaliyyəti dayanıb.

NUHÇIXAN xəbər verir ki, bu barədə “Kazinform” məlumat yayıb.

Qeyd olunub ki, Qazaxıstan Prezidenti ofisi olan Akordanın internet saytı işləyir.

Qazaxıstan Rəqəmsal İnkişaf, İnnovasiya və Aerokosmik Sənaye Nazirliyinin mətbuat xidməti saytların bərpası istiqamətində işlərin aparıldığını bildirib: “Hazırda dövlət orqanlarının “Gov.kz” İnternet Resurslarının Vahid Platformasının düzgün işləməməsi müşahidə olunur. Hazırda bərpa işləri aparılır və platforma yaxın vaxtlarda işə düşəcək”.