Stoltenberq: Ukraynaya F-16 qırıcılarının nə vaxt veriləcəyi hələlik məlum deyil

Ukraynaya F-16 qırıcılarının tədarükünün vaxtı hələ bəlli deyil və bu pilotların hazırlıq müddətindən asılıdır.

NUHÇIXAN xəbər verir ki, Şimali Atlantika Alyansının Baş katibi Yens Stoltenberq bu barədə Ukrayna-NATO Şurasının iclasının nəticələrinə həsr olunan mətbuat konfransında deyib.

“Ukraynaya F-16 qırıcılarının tədarükü Rusiya ordusunun itkilərini artıracaq, lakin o, döyüş meydanında vəziyyəti fundamental dəyişə bilən “gümüş güllə” deyil”, - deyə Yens Stoltenberq bildirib.

Onun sözlərinə görə, Ukraynaya tədarük olunması üçün təyyarələr var və bu, pilotların hazırlıq müddətindən asılı olacaq.