Çinin şimalında güclü qar səbəbindən yollar bağlanıb
Çinin şimalına yağan güclü qar nəqliyyatın işində ciddi problemlərə səbəb olub. Yolların buz bağlaması səbəbindən 12 əyalətdə 95 magistral yolda avtomobillərin hərəkəti məhdudlaşdırılıb.
NUHÇIXAN “The Global Times” nəşrinə istinadla xəbər verir ki, Şansi əyalətində qatarların hərəkəti qismən dayandırılıb, Henan əyalətindəki Çjençjou hava limanı müvəqqəti bağlanıb, üç şəhərdə isə məktəbdə məşğələlər ləğv edilib.
Dekabrın 11-də səhər saatlarında Pekində 187 marşrut üzrə avtobusların hərəkəti məhdudlaşdırılıb, paytaxtın hava limanında 59 aviareys təxirə salınıb.