Pakistanda partlayış baş verib, 4 polis ölüb
Pakistanın Xayber-Paxtunxva vilayətinin şimal-qərbində yerləşən polis məntəqəsində baş verən partlayış nəticəsində azı 4 polis ölüb, bir neçəsi yaralanıb.
NUHÇIXAN xəbər verir ki, bu barədə “Reuters” məlumat yayıb.
Bildirilib ki, həmin vilayətin Dera İsmayıl Xan rayonunda həyata keçirilən növbəti terror aktı nəticəsində daha 28 nəfər yaralanıb.
Terror aktlarına görə məsuliyyəti qadağan edilmiş “Təhrik-e-Taliban Pakistan” terror qruplaşması öz üzərinə götürüb.