KİV: Ağ Ev Ukraynanın strategiyasını hücumdan müdafiəyə dəyişməsini istəyir

Ağ Ev Ukraynanın strategiyasını hücumdan müdafiəyə dəyişməsini istəyir.

NUHÇIXAN xəbər verir ki, bu barədə “Blomberg” nəşri yazıb.

Nəşrin məlumatına görə, Davosda keçirilən Dünya İqtisadi Forumunda ABŞ Prezidenti Cozef Bayden həmkarı Volodimir Zelenskiyə bu mesajı ABŞ Prezidentinin milli təhlükəsizlik müşaviri Ceyk Sallivan vasitəsilə çatdıracaq.

“Zelenski bunu açıq şəkildə eşitmək istəməsə də, məntiqli olduğunu başa düşür. Ona görə də o, deməlidir ki, ABŞ və müttəfiqləri yalnız Ukraynanın müdafiəsinə zəmanət verəcəyi təqdirdə, düzgün müdafiə oluna bilər”, - nəşr bildirib.

Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna ötən ilin iyunundan əks-hücum əməliyyatları keçirir. Rəsmi Kiyevin mövqeyinə görə, Ukraynanın ərazi bütövlüyü tam təmin olunmadan müharibə başa çatmayacaq. Ukrayna Prezidenti Volodimir Zelenski daha əvvəl bildirmişdi ki, Qərb dəstəyi dayandırsa, ölkəsi geri çəkiləcək.