Naxçıvan Dövlət Universitetinin müəllimi vəfat edib
NUHÇIXAN xəbər verir ki, Naxçıvan Dövlət Universitetinin Arxiv işi və Muzeyşünaslıq kafedrasının müəllimi olmuş Sübhi Kəngərli vəfat edib.
Sübhi Kəngərli 1937-ci ildə Naxçıvan şahərində anadan olub. M.A.Əliyev adına Azərbaycan Dövlət İncəsənət İnstitutunun Mədəni-maarif fakültəsini bitirib. Cəlil Məmmədquluzədə adına Naxçıvan Muxtar Respublika Ədəbiyyat Muzeyində elmi işçi kimi fəaliyyətə başlamış və muzeyin ilk yaradıcılarından biri olub. 1975-1980-ci illərdə AMEA-nın Fəlsəfə və Hüquq İnstitutunun "Etika va estetika" üzrə qiyabi aspiranturasını bitirib. 30 il Ədəbiyyat Muzeyinə rəhbərlik edib. 1973-cü ildən Naxçıvan Dövlət Pedaqoji İnstitutunda müəllim kimi fəaliyyətə bașlayıb. 2012-ci ildən Arxiv işi və Muzeyşünaslıq kafedrasında müəllim kimi fəaliyyət göstərib.