Naxçıvanda təhsilverənlərin növbəti sertifikatlaşdırılma prosesi yekunlaşıb

NUHÇIXAN xəbər verir ki, iyunun 24-də muxtar respublikanın dövlət ümumi təhsil müəssisələrində fəaliyyət göstərən xarici dil (rus dili, Azərbaycan dili (rus bölməsi), rus dili və ədəbiyyatı, alman dili, fransız dili və s.) fənlərini tədris edən təhsilverənlər, eyni zamanda ibtidai sinif, Azərbaycan dili və ədəbiyyatı müəllimləri üçün ölkə üzrə mərkəzləşmiş qaydada sertifikatlaşdırılma prosesinin test imtahanı mərhələsi keçirilib. 

Sertifikatlaşdırma prosesində ümumitəhsil məktəblərindən 215 müəllim iştirak edib ki, onlardan 67-si 51 bal və daha yüksək nəticə göstərib.