Azərbaycan Əmək və Sosial Münasibətlər Akademiyasının yeni saytı istifadəyə verilib

Azərbaycan Əmək və Sosial Münasibətlər Akademiyasının (AƏSMA) yeni saytı abituriyent və tələbələrin istifadəsinə verilib.

Akademiyadan NUHÇIXAN-a bildirilib ki, yeni sayt vasitəsilə abituriyent və tələbələr AƏSMA-da baş verən yeniliklər və tədbirlər haqqında Azərbaycan, rus və ingilis dillərində ətraflı məlumat əldə edə biləcəklər.

Yaxın günlərdə tələbələr şəxsi kabinetlərindən də istifadə edəcəklər. Şəxsi kabinet vasitəsilə tələbələr imtahanın nəticələrini öyrənmək, mühazirələri və dərs cədvəllərini elektron formada əldə etmək imkanına malik olacaqlar.