Naxçıvanda “20 Yanvar-Azərbaycan xalqının qəhrəmanlıq tarixi” mövzusunda interaktiv dərs keçirilib - FOTOLAR

NUHÇIXAN xəbər verir ki, yanvarın 17-da Xatirə Muzeyindən “20 Yanvar faciəsinin otuz beşinci ildönümü ilə bağlı Elm və Təhsil Nazirliyinin Tədbirlər Planı”na uyğun olaraq ümumtəhsil məktəblərinin şagirdləri üçün “20 Yanvar- Azərbaycan xalqının qəhramanlıq tarixi” mövzusunda onlayn dərs keçirilib.

Xatirə Muzeyinin bələdçisi tərəfindən keçirilən onlayn dərsdə şagirdlərin diqqətinə çatdırılıb ki, 20 Yanvar faciəsi təkcə Azərbaycan xalqına deyil, bəşəriyyətə, humanizmə, insanlığa qarşı həyata keçirilən dəhşətli terror aktıdır.  

Sonra Vətən müharibəsində qazandığımız böyük qələbə haqqında şagirdlərə məlumat verilərək bildirilib ki, biz daha 20 Yanvar faciəsini, torpaqlarımızın işğal tarixlərini 44 günlük Vətən müharibəsinin şanlı qələbəsi ilə əvəz etdik. Muzeydəki eksponatlar barədə şagirdlərə vəlumat verilərək bildirilib ki, Azərbaycanın suverenliyi və ərazi bütövlüyü uğrunda döyüşlərdə həlak olanların xatirəsinin əbədiləşdirildiyi muzeydə ümummilli lider Heydər Əliyevin 20 Yanvar faciəsi ilə bağlı imzaladığı fərmanların surətləri, şəhidlərin fotoşəkilləri, şəxsi sənədləri, döyüş fəaliyyətlərini əhatə edən materiallar, eyni zamanda qəhrəmanlıq tariximizin müxtəlif dövrlərinə aid kitablar nümayiş etdirilir.