Xocalı soyqırımının 27-ci ildönümü ilə bağlı interaktiv dərs təşkil olunub - FOTOLAR
NUHÇIXAN xəbər verir ki, Naxçıvan şəhərindəki Xatirə Muzeyi ilə muxtar respublikanın 200-dən çox ümumtəhsil məktəbi arasında interaktiv dərs keçirilib. Dərs Xocalı soyqırımının 27-ci ildönümü ilə bağlı təşkil olunub.
Xocalı soyqırımına həsr olunmuş interaktiv dərsdə muzeyi bələdçisi Leyla Məmmədova muzey haqqında geniş məlumat verib.
Bildirilib ki, ötən əsrin əvvəllərindən başlayaraq təcavüzkar erməni daşnaklarının azərbaycanlılara qarşı törətdikləri dəhşətli cinayətlərin izləri bu eksponatlarda öz əksini tapıb. Azərbaycanın suverenliyi və ərazi bütövlüyü uğrunda döyüşlərdə həlak olanların xatirəsinin əbədiləşdirildiyi muzeydə şəhidlərin fotoşəkilləri, şəxsi sənədləri, döyüş fəaliyyətlərini əhatə edən materiallar mühafizə olunur. Diqqətə çatdırılıb ki, xalqımıza qarşı törədilən bu soyqırıma ilk dəfə 1993-cı ildə ümummilli liderimiz Heydər Əliyev hüquqi-siyasi qiymət verib.
Xanım Rüstəmzadə