“Vikipediya”da Seyid Şuşinski haqqında türk dilində məqalə yaradılıb

Bu ilin aprelində görkəmli xanəndə, pedaqoq, Azərbaycanın Xalq artisti Seyid Şuşinskinin anadan olmasının 130 illiyi tamam olur. Prezident İlham Əliyevin “Seyid Şuşinskinin 130 illiyinin qeyd edilməsi haqqında” 2019-cu il 4 fevral tarixli Sərəncamının icrasından irəli gələn vəzifələr çərçivəsində AMEA Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən türk dilində olan “Vikipediya”da görkəmli xanəndə haqqında məqalə yaradılıb.

MEK-dən NUHÇIXAN-a bildirilib ki, məqalədə Şuşa xanəndəlik məktəbinin ən parlaq nümayəndəsi Seyid Şuşinskinin həyatı və yaradıcılığı haqqında məlumat verilir.

Məqalə ilə daha ətraflı https://tr.wikipedia.org/wiki/Seyid_%C5%9Eu%C5%9Finski?fbclid=IwAR2zFsDV_uiCbP54GJP2PMASuc7mCpYBDExfX-WwD915KJ1odPKspEr9Kk4 linkdə tanış olmaq mümkündür.

Qeyd edək ki, məqalənin xarici dillərdəki “Vikipediya”da yerləşdirilməsi Seyid Şuşinskinin və Azərbaycanın muğam ənənələrinin layiqincə təbliğ olunmasına mühüm töhfədir.