DİM: Bu il ali təhsil müəssisələrinə qəbul planı 96,27 % dolub
Bu il ali təhsil müəssisələrinə qəbul planı 96,27 % dolub.
NUHÇIXAN-ın məlumatına görə, bunu Dövlət İmtahan Mərkəzinin (DİM) Mətbuatla iş və elektron kommunikasiya sektorunun müdiri Xanlar Xanlarzadə İTV-nin efirində deyib.
Onun sözlərinə görə, bu il universitetlərə tələbə qəbulu 2 minə yaxın artıb:
"Bu, yüksək göstəricidir. Belə ki, I qrup üzrə 92,05 %, II qrup üzrə 98,12 % qrupda, III qrup üzrə 99,88 %, IV qrup üzrə isə 95,39 % plan yeri dolub. Bundan başqa, V ixtisas qrupu üzrə 96,84 % plan yeri dolub".