Ali təhsil ocağında doktorant və dissertantlarla görüş olub - FOTOLAR

181

NDU-nun Televiziya, mətbuat və ictimaiyyətlə əlaqələr bölməsindən NUHÇIXAN-a verilən məlumata görə, Naxçıvan Dövlət Universitetində “27 mart-Elm günü”nə həsr olunmuş doktorant və dissertantlarla görüş olub. Tədbirdə universitetin rektoru, AMEA-nın müxbir üzvü Saleh Məhərrəmov bildirib ki, elm gününün ölkəmizdə təsis olunması dövlət başçısının Azərbaycan elminə göstərdiyi diqqət və qayğıdır.

Rektor vurğulayıb ki, 1998-ci ildə universitetdə Dissertasiya şurası yaradılıb. 2018-2019-cu tədris ili ərzində elmlər doktoru üzrə 5, fəlsəfə doktoru proqramı üzrə 7 doktorant, 27 dissertant qəbul olunub.

Sonra AMEA-nın Naxçıvan Bölməsinin sədri, akademik İsmayıl Hacıyev qeyd edib ki, ümummilli lider Heydər Əliyev Naxçıvan Muxtar Respublikasının geosiyasi vəziyyətini nəzərə alaraq 2002-ci il avqustun 7-də Azərbaycan Milli Elmlər Akademiyasının Naxçıvan Bölməsinin yaradılması haqqında tarixi Sərəncam imzalayıb. Akademik ötən fəaliyyət dövründə bölmə əməkdaşlarının 3-ü Beynəlxalq olmaqla 20 qrant layihəsinin qalibi olduğunu diqqətə çatdırıb. Naxçıvanda elm adamlarının müxtəlif nəşriyyatlarda çıxardığı elmi məqalələrin sayının 25000-ə çatdığı bildirilib.

AMEA Naxçıvan Bölməsi, Tarix, Etnoqrafiya və Arxeologiya İnstitutunun  professoru, AMEA-nın müxbir üzvü Vəli Baxşəliyev doktorant və dissertantlara öz məsləhətlərini verib, bu gün münasibətilə elm adamlarını təbrik edib.

Sonda dissertantların sualları cavablandırılıb, edilən təkliflər dəyərləndirilib.

Səadət Əliyeva

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: