Naxçıvanda sertifikatlaşdırılma prosesinin 2-ci dövriyyəsinin test mərhələsi 4 mərkəzdə keçiriləcək
Naxçıvan Muxtar Respublikasında təhsilverənlərin sertifikatlaşdırılması prosesinin 2-ci dövriyyəsinin test mərhələsi 4 mərkəzdə təşkil olunacaq.
NUHÇIXAN xəbər verir ki, bu sözləri təhsilverənlərin sertifikatlaşdırma prosesinin ikinci dövriyyəsi ilə bağlı media nümayəndələri üçün brifinqndə çıxışı zamanı Naxçıvan Muxtar Respublikasının təhsil naziri Elxan Nəcəfov deyib.
Nazir qeyd edib ki, test mərhələsi Naxçıvan şəhər 4, 10, 11 nömrəli tam orta məktəblərdə və Naxçıvan Dövlət Peşə Təhsil Mərkəzində reallaşdırılacaq. 2021-ci ildə ilk imtahanda kağız daşıyıcılarında olmuşdursa, 2026-cı ildə bu elektron formada təşkil ediləcək və müəllim imtahan zalındaca nəticəsini öyrənə biləcək. Bu həm şəffaflığın, həm də təhlükəsizlik baxımında önəmli məsələdir.