Nəsimi qəzəllərindən ibarət şeir müsabiqəsi
NUHÇIXAN xəbər verir ki, Naxçıvan Dövlət Universitetində “Nəsimi” ili ilə bağlı təşkil edilən tədbirlər planına uyğun olaraq şairin qəzəllərindən ibarət şeir müsabiqəsi keçirilib.
Tədbiri giriş sözü ilə açan universitetin rektoru Saleh Məhərrəmov Prezident İlham Əliyevin 2019-cu ilin Azərbaycanda “Nəsimi ili” elan edilməsi haqqında imzaladığı sərəncamını diqqətə çatdırıb, tələbələrə uğurlar arzulayıb.
Sonra tələbələr Nəsiminin qəzəlləri və şeirlərindən nümunələr səsləndiriblər.
14 tələbənin iştirak etdiyi müsabiqədə birinci yerə Jurnalistika ixtisasının I kurs tələbəsi Qızbəsti Quliyeva layiq görülüb. Coğrafiya ixtisasının II kurs tələbəsi Aynur İbrahimova II, Muzeyşünaslıq ixtisasının IV kurs tələbəsi Ülvi Əkbərov III yerə çıxıblar.
Badəm Məmmədova