DİM: Magistraturaya qəbul imtahanlarında iştirakçıların sayı artıb
Bu il ali təhsil müəssisələrinin magistraturalarına qəbul imtahanlarında iştirak edən bakalavrların sayı ötən illə müqayisədə artıb.
Bu barədə NUHÇIXAN-a Dövlət İmtahan Mərkəzindən məlumat verilib. Bildirilib ki, 2026-cı ildə keçirilən imtahanlarda ümumilikdə 27 min 859 bakalavr iştirak edib. Bu göstərici ötən il 26 min 241 nəfər təşkil edib. Beləliklə, magistraturaya qəbul imtahanlarında iştirakçıların sayı əvvəlki illə müqayisədə 1618 nəfər artıb.