Dövlət İmtahan Mərkəzinin qısa mesaj xidmətlərindən “Naxtel” istifadəçiləri də faydalana bilər
“Azercell”, “Bakcell”, “Nar” mobil şəbəkələrinin abunəçiləri Dövlət İmtahan Mərkəzinin (DİM) qısa mesaj (SMS) xidmətləri vasitəsilə müxtəlif məlumatları (imtahan nəticələri, müsabiqənin nəticələri və s.) əldə edə və “Şəxsi kabinet”də telefon nömrələrini təsdiqləyə bilirlər.
DİM-dən NUHÇIXAN-a bildirilib ki, Dövlət İmtahan Mərkəzi və “Naxtel” MMC arasında imzalanmış müqaviləyə əsasən, “Naxtel” mobil operatorunun abunəçiləri də qeyd olunan xidmətlərdən yararlana bilərlər.