İlahiyyat İnstitutunun magistraturasına qəbul olanların qeydiyyatı başlayır

2019/2020-ci tədris ilində Azərbaycan İlahiyyat İnstitutunun (Aİİ) magistratura təhsil səviyyəsinə qəbul olan şəxslərin qeydiyyatı başlayır.

Aİİ-dən NUHÇIXAN-a bildirilib ki, qeydiyyat iyunun 27-dən iyulun 10-dək aparılacaq.

İnstitutun magistraturasına qəbul olanlar şənbə və bazar günləri istisna olmaqla saat 09:00-dan 18:00-dək Azərbaycan İlahiyyat İnstitutuna aşağıdakı sənədləri təqdim etməlidirlər:

1. Şəxsiyyət vəsiqəsinin əsli və surəti;

2. Əvvəlki illərin məzunları üçün diplomun əsli və surəti, cari ilin məzunları üçün təhsil aldıqları ali təhsil müəssisəsindən ixtisasın tam kursunu müvəffəqiyyətlə başa vurması haqqında arayış;

3. Hərbi biletin əsli və surəti;

4. Tərcümeyi hal;

5. 4 ədəd 3X4 sm ölçülü fotoşəkil;

6. Sağlamlıq haqqında arayış.

Qeyd olunan müddətdə sənədləri təqdim etməyən və qeydiyyatdan keçməyən bakalavrlar institutun magistr tələbələri sırasına daxil edilməyəcəklər.