Redaktor və aparıcılar üçün təkmilləşdirmə kursuna start verilib
Naxçıvan teleradiosunda nitq mədəniyyətinin inkişafı üzrə növbəti təkmilləşdirmə kursları başlayıb.
Naxçıvan teleradiosunda kadr hazırlığı sahəsində həyata keçirilən tədbirlərin bir hissəsi olan kursu Azərbaycan Dövlət Mədəniyyət və İncəsənət Universitetinin professoru, Xalq artisti Məmməd Səfa aparır. Avqust ayının 2-dən start verilən kursda televiziya və radionun redaktor, müxbir və aparıcı heyəti iştirak edir. Kurs müddətində iştirakçılar nitq mədəniyyətinin inkişafı məqsədilə müxtəlif mövzularda nəzəri və praktiki biliklər əldə edirlər.
Qeyd edək ki, kurslar Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə keçirilir.
Cavid Səfərli