“Vikipediya”da Qarabağ qazisi Anar Məmmədov haqqında məqalə yaradılıb - FOTOLAR

Azərbaycan Milli Elmlər Akademiyasının Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən Qarabağ qazisi Anar Məmmədov haqqında məqalə yaradılıb.

MEK-dən NUHÇIXAN-a bildirilib ki, Azərbaycan dilində olan “Vikipediya”da yaradılan məqalədə Anar Məmmədovun həyatı, Qarabağ döyüşlərində iştirakı, təltif və mükafatları barədə məlumat verilib. Qeyd edilib ki, o, 2001-ci ildə Heydər Əliyev adına Azərbaycan Ali Hərbi Məktəbinə qəbul olub və 2006-cı ildə oranı qoşun kəşfiyyatı üzrə bitirib. Anar Məmmədov düşmənin təxribatlarının qarşısının alınmasında böyük xidmətlər göstərib. 2013-cü ilin martından 2015-ci il dekabrın 2-dək N saylı H/H kəşfiyyat bölməsinin kəşfiyyat-rəisi vəzifəsində xidmət edib. 2015-ci il sentyabrın 1-də düşmən arxasında döyüş tapşırığı yerinə yetirərkən yaralanıb və həmin ilin noyabrından ordu sıralarından ehtiyata buraxılıb.

Məqalə ilə daha ətraflı qeyd olunan linkdə tanış olmaq mümkündür.