Dövlət İmtahan Mərkəzi: “Abituriyent” jurnalının xüsusi buraxılışını əldə edə bilərsiniz

Dövlət İmtahan Mərkəzi (DİM) 2019/2020-ci tədris ili üçün tam orta (11 illik) təhsil bazasında orta ixtisas təhsili müəssisələrinin boş qalan yerlərinə tələbə qəbulunun nəticələrini nəşr edib.

DİM-dən NUHÇIXAN-a bildirilib ki, “Abituriyent” jurnalının bu xüsusi buraxılışında tam orta (11 illik) təhsil bazasında orta ixtisas təhsili müəssisələrinin boş qalan yerlərinə qəbul olmuş abituriyentlərin siyahısı, ixtisaslar üzrə minimal keçid balları və s. məlumatlar Azərbaycan və rus dillərində təqdim olunub.

Jurnalın elektron versiyasını (pdf formatında) DİM-in saytının “Elektron xidmətlər” bölməsində “DİM nəşrlərinin elektron versiyalarının onlayn satışı” xidməti vasitəsilə (http://eservices.dim.gov.az/ejurnal/) ödəniş əsasında əldə etmək olar.