“Qafqazda terror” mövzusunda müzakirələr aparılacaq
Noyabrın 28-də Azərbaycan Milli Elmlər Akademiyasında (AMEA) Qafqazşünaslıq İnstitutunun təşkilatçılığı ilə “Qafqazda terror” mövzusunda respublika elmi konfransı keçiriləcək.
AMEA-dan NUHÇIXAN-a bildirilib ki, konfrans “Cənubi Qafqazda terror” və “Şimali Qafqazda terror” bölmələri üzrə təşkil olunacaq. Bölmə iclaslarında Qafqaz xalqlarına qarşı həyata keçirilən deportasiyalar, onların siyasi-hüquqi tərəfləri, sosial-iqtisadi nəticələri haqqında məruzələr dinləniləcək və geniş müzakirələr aparılacaq.
Tədbirdə iştirak etmək istəyənlər məruzələrinin tezislərini oktyabrın 25-dək [email protected] elektron ünvanına göndərməlidir.
Konfransın bölmələrinə uyğun olmayan tezislər qəbul edilməyəcək.