“Dildə ekspressivlik və emosionallığın verbal və qeyri- verbal ifadə vasitələri” kitabı çapdan çıxıb

Filologiya üzrə fəlsəfə doktoru Ruxsarə Abbasəliyevanın “Dildə ekspressivlik və emosionallığın verbal və qeyri-verbal ifadə vasitələri” kitabı nəşr olunub.

NUHÇIXAN xəbər verir ki, kitabın redaktoru və “Ön söz”ün müəllifi filologiya elmləri doktoru, professor Buludxan Xəlilov, rəyçiləri isə filologiya elmləri doktorları Məhərrəm Hüseynov və Sərdar Zeynaldır. Monoqrafiyada çağdaş dövrün aktual mövzularından olan emosionallığın, ekspressivliyin dildə verbal və qeyri-verbal ifadə vasitələrinin müəyyənləşdirilməsi, onların qarşılıqlı əlaqəsinin aydınlaşdırılmasından bəhs edilir.

Monoqrafiyadan emosionallıq və ekspressivliyin ifadə vasitələrinin leksik bazasına dair izahlı lüğətin hazırlanmasında, eləcə də bir sıra fənlərin, o cümlədən psixolinqvistikanın, paralinqvistikanın, koqnitiv dilçiliyin tədrisində istifadə edilə bilər. Üç fəsil, nəticə və istifadə olunmuş ədəbiyyat siyahısından ibarət olan nəşr təkcə dilçilər üçün deyil, psixoloqlar üçün də dəyərlidir.