Özbəkistan arxeoloqları Daşkənd ətrafında Türk Xaqanlığına məxsus qəbiristanlıq tapıblar

Özbəkistan arxeoloqları Daşkənddən 100 kilometr şimal-şərqdə, Tyan-Şanın qərbində dəniz səviyyəsindən 1000 metr hündürlükdə eramızdan əvvəl 6-7-ci əsrlərdə burada məskunlaşan Türk Xaqanlığına məxsus qəbiristanlıq aşkar ediblər.

Daşkənd Beynəlxalq Məktəbinin müəllimi Skot Beker deyib ki, bu qədim qəbiristanlıq sel daşqınlarından sonra üzə çıxıb.

Özbəkistan Elmlər Akademiyası Milli Arxeologiya Mərkəzinin əməkdaşları həmin ərazini tədqiq edərək insan skeletləri, kəllə sümükləri aşkar ediblər. Burada gil qablar, dəmir xəncərlər də tapılıb.

Qədim yazılı mənbələr göstərir ki, eramızdan əvvə 6-cı əsrdə Türk Xaqanlığı Qara dənizdən Sakit okeana qədər uzanaraq bu ərazidəki türk xalqlarını birləşdirib. Həmin dövrdə Daşkənd şəhəri Şaş adlanıb və inzibati mərkəzlərdən biri olub.

Şərq və Qərbi birləşdirən karvan yollarının üzərində yerləşən qədim Şaş mülayim iqlimi, içməli suyu, münbit torpağı, ucsuz-bucaqsız çölləri, otlaqları və yeraltı sərvətləri ilə insanarı cəlb edib.

Arxeoloqlar bu tapıntının çox mühüm olduğunu bildirərək deyiblər ki, qəbirlərdəki insan qalıqları çıxarılıb dərindən araşdırılmalıdıır. Bununla bağlı Milli Arxeologiya Mərkəzində xüsusi tədqiqat qrupu yaradılıb.