3D printerdə qədim musiqi aləti çap edilib

XVIII əsrə aid fleyta 3D printerdən istifadə edilərək çap edilib.

NUHÇIXAN ict.az saytına istinadla xəbər verir ki, mütəxəssislər 2500 illik tarixə malik fleytanın surətini çap ediblər. 3D printerdən istifadə edilərək çap olunan qədim musiqi alətinin hazırlanmasında əsas məqsəd antik alətlər mirasını inkişaf etdirmək və onları mədəni irsin saxlanılması üçün yenidən yaratmaqdır.

Daha sürətli nəticə əldə etmək istəyən tədqiqatçılar rentgen şüalarından istifadə edərək alətin əl ilə hazırlanmış nüsxəsinin dəqiq xüsusiyyətlərini araşdırıblar. Aparılan araşdırmaların nəticəsi olaraq, müasir 3D çap vasitəsi ilə fleytanın daha tez - cəmi 24 saat ərzində təkrar istehsal edilə biləcəyi və daha münasib məbləğə başa gələcəyi məlum olub.

Mütəxəssislər musiqi alətinin əl ilə hazırlanmış və 3D nüsxəsini eyni kompozisiyanın ifa edilməsi ilə sınaqdan keçirib, ikisinin səsi arasında fərq görməyiblər.