Naxçıvanlı alimin uğuru - FOTOLAR

AMEA-nın Naxçıvan Bölməsinin Bioresurslar İnstitutunun Meyvə, tərəvəz və üzümçülük laboratoriyasının rəhbəri, aqrar elmləri doktoru, dosent Varis Quliyev ABŞ-da nəşr olunan Cytology və Histology (“Sitogenetika və Histologiya”) jurnalının  redaksiya heyətinə üzv seçilib.

AMEA Naxçıvan Bölməsinin İctimaiyyətlə əlaqələr və İnformasiya şöbəsindən NUHÇIXAN-a verilən xəbərə görə, müəllifin həmin jurnalın  ötən ilki saylarında məqaləsi  işıq üzü görüb və tədqiqat işinin nəticələri yüksək qiymətləndirilib.

Qeyd edək ki, Varis Quliyev 30 ildən artıqdır ki, Azərbaycanda, o cümlədən Naxçıvan Muxtar Respublikasında üzüm genofondunu kompleks şəkildə tədqiq edir. Alim  “Azərbaycan ampeloqrafiyası” (II cild), ”Naxçıvan Muxtar Respublikasının ampeloqrafiyası” adlı fundamental monoqrafiyaların və digər kitabların müəllifidir.