Rezidenturaya qəbul imtahanında iştirak etmək üçün 500-dək namizəd ərizəsini təsdiqlədib

254

Dövlət İmtahan Mərkəzi (DİM) tərəfindən 2020/2021-ci tədris ili üçün elan olunmuş rezidenturaya qəbul imtahanında iştirak üçün internet vasitəsilə aparılan ərizə qəbulu davam edir.

DİM-dən NUHÇIXAN-a bildirilib ki, bu gün saat 17:50-yə olan göstəricilərə əsasən, imtahanda iştirak etmək üçün 475 namizəd (Azərbaycan bölməsi - 413; rus bölməsi – 65) ərizəsini təsdiqlədib.

Namizəd fevralın 27-dək Mərkəzin internet saytının ekabinet.dim.gov.az səhifəsində “Şəxsi kabinet” yaratdıqdan sonra ərizə vermək üçün tələb olunan məbləği (60 AZN) buradakı hesabına əlavə edir. Ödəniş üsulları ilə epayment.dim.gov.az internet səhifəsində tanış olmaq mümkündür. Namizəd “Şəxsi kabinet”inin istifadəçi adı və parolundan istifadə etməklə Mərkəzin internet saytının müvafiq səhifəsinə (http://eservices.dim.gov.az/erizerez/erize/?frm=egov ) daxil olub “Namizədin elektron ərizəsi” formasını doldurub təsdiqləyir.

DİM namizədlərin diqqətinə çatdırır ki, dövlət sifarişi əsasında rezidentura təhsili almış şəxslər rezidenturanı bitirdikdən sonra (hərbi tibb fakültəsini bitirənlər istisna olmaqla) əmək fəaliyyətlərini 3 (üç) il müddətində Azərbaycan Respublikasının Səhiyyə Nazirliyinin göndərişinə əsasən dövlət səhiyyə müəssisələrində davam etdirməlidirlər. “Təhsil haqqında” Azərbaycan Respublikasının Qanununa əsasən rezidenturada ikinci dəfə təhsil ödənişli əsaslarla həyata keçirilir.

Qeyd edək ki, rezidenturaya qəbul imtahanının birinci mərhələsi aprelin 19-da, ikinci mərhələsi isə iyulun 17-də keçiriləcək.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: