Naxçıvan Dövlət Universitetinin müəllimi ixtirasına görə patent alıb
NUHÇIXAN xəbər verir ki, Naxçıvan Dövlət Universiteti “Nəqliyyat və informasiya texnologiyaları” kafedrasının müdiri Məftun Əliyev Avrasiya Patent Təşkilatının Avrasiya Patent İdarəsi tərəfindən patent alıb. Patent AMEA-nın İdaretmə İnstitutunun əməkdaşları ilə birgə “Laydan neftin qeyri-stasionar üsulla çıxarılması” adlı ixtirasına görə alınıb.
Qeyd edək ki, ixtira neft hasilatı sənayesinə, neft yataqlarının işlənməsi və istismarı sahəsinə, o cümlədən qalıq neftin laydan çıxarılması üsullarına aiddir. Göstərilən üsul neftin yüksək keçici məsaməli kanallara və orta neft hasilatının artımına çıxışını artırır.
Səadət Əliyeva