Təhsil müəssisələrində ilk dəfə işə qəbul olunanlar sertifikatlaşdırmadan keçməyəcəklər
Təhsil müəssisələrində ilk dəfə işə qəbul olunanlar 5 (beş) il müddətində peşəkarlıq səviyyələrinin və peşə yararlılıqlarının yoxlanılması məqsədilə sertifikatlaşdırmadan keçməyəcəklər.
NUHÇIXAN İnformasiya Agentliyi xəbər verir ki, bu, Azərbaycan Respublikasının Nazirlər Kabinetinin “Dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) işləyən təhsilverənlərin sertifikatlaşdırma Qaydası”nın təsdiq edilməsi haqqında qərarında öz əksini tapıb.
Qərarda, həmçinin qeyd olunur ki, hamilə qadınlar, uşağının üç yaşınadək sosial məzuniyyətdə olan və həmin məzuniyyət bitdikdən sonra 1 (bir) ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər), azı 3 (üç) dəfə sertifikatlaşdırmadan keçmiş şəxslər də sertifikatlaşdırmadan keçməyəcəklər.