“Coğrafiyada ənlər və ilklər” adlı onlayn viktorina keçirilib

NUHÇIXAN İnformasiya Agentliyi xəbər verir ki, “Naxçıvan” Universitetində Təbiət elmləri kafedrasının təşkilatçılığı ilə   “Coğrafiyada ənlər və ilklər” adlı onlayn  viktorina keçirilib.

Tədbirdə bildirib ki, universitetdə tədrisin təşkili tam planlı şəkildə onlayn formada davam edir.

Tələbələrin evdə asudə vaxtlarının səmərəli keçirilməsi baxımından belə onlayn intellektual oyunların keçirilməsinin önəmli olduğunu bildirən Naxçıvan Muxtar Respublikası Ali Məclisinin deputatı, “Naxçıvan” Universitetinin Tədris və tərbiyə işləri üzrə prorektoru, iqtisad üzrə fəlsəfə doktoru Hüseyn Bağırsoylu  viktorina iştirakçılarına uğurlar arzulayıb.

Tələbələr 3 raunda keçirilən viktorinada  hər raundda 20 sual olmaqla (Final raunda 10 sual)  toplam 50 sualı cavablandırıblar.

Qaliblər münsiflər heyəti tərəfindən müəyyənləşdirilib. Nəticələrə əsasən , Pedaqoji fakültənin “Coğrafiya” ixtisası üzrə  təhsil alan IV kurs tələbəsi Gülsüm Qasımova I yerə, II kurs tələbəsi Şəbnəm Qafarova II yerə ,  I kurs tələbəsi Ramin Nəsirov və II kurs tələbəsi Murad Cəfərov isə III yerə layiq görülüblər.

                                                                                  Seyfur Hacımuradov