Akademik İsa Həbibbəyli: Doktoranturaya qəbul prosesinin iyul-avqust aylarında keçirilməsi nəzərdə tutulur

Doktoranturaya qəbul prosesinin iyul-avqust aylarında keçirilməsi nəzərdə tutulur.

NUHÇIXAN İnformasiya Agentliyi xəbər verir ki, bu barədə AMEA-nın birinci vitse-prezidenti, akademik İsa Həbibbəyli məlumat verib. Onun sözlərinə görə, ötən ilə qədər doktoranturaya qəbul noyabr-dekabr aylarında aparılıb. Bu isə doktoranturada tədrisin təşkili ilə bağlı müəyyən çətinliklər yaradırdı.

Akademik İ.Həbibbəyli qeyd edib ki, pandemiya dövrü ilə əlaqədar imtahanların keçirilməsində çətinliklər yaranmazsa, bu qərar qüvvədə qalacaq. İmtahanların keçirilməsi qaydalarında heç bir dəyişiklik edilməyib: “İxtisas fənni üzrə imtahanlar müvafiq institut tərəfindən, fəlsəfə imtahanı AMEA tərəfindən mərkəzləşdirilmiş şəkildə təşkil edilir. Xarici dil fənni üzrə imtahan isə Dövlət İmtahan Mərkəzi tərəfindən aparılır”.