“Vətən mənə oğul desə…” adlı inşa yazı müsabiqəsinin qalibləri mükafatlandırılıb - FOTOLAR

NUHÇIXAN İnformasiya Agentliyi xəbər verir ki, Heydər Əliyev adına Hərbi Liseyin kursantları arasında keçirilmiş müsabiqənin qalibləri bəlli olub.

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidməti və Gənclər Fondunun birgə təşkilatçılığı ilə baş tutan müsabiqənin keçirilməsində məqsəd yeniyetmə və gənclərin milli mənlik şüurunun, vətənpərvərlik və vətəndaşlıq hissinin yüksəldilməsi, onların biliklərinin yoxlanılması və stimullaşdırılmasıdır.

Tədbirdə çıxış edənlər müsabiqənin gənc nəslin vətənpərvərlik tərbiyəsində rolundan danışıb, qalibləri təbrik ediblər.

Münsiflər heyətinin qərarına əsasən Məhəmmədəli Mustafayev birinci yerə, Namiq Bağırov ikinci yerə, Ümid Şərifzadə və Əhməd Fətullayev üçüncü yerə layiq görülüb.

Qaliblər təşkilatçılar tərəfindən qiymətli hədiyyələr və diplomlarla mükafatlandırılıb.