Qurtuluş Günü Azərbaycanın müstəqillik tarixinin ən şərəfli səhifəsidir

NUHÇIXAN İnformasiya Agentliyi xəbər verir ki, Naxçıvan Şəhər Təhsil Şöbəsi tərəfindən “15 İyun-Milli Qurtuluş Günü” münasibətilə onlayn tədbir keçirilib.

Tədbirdə Naxçıvan Şəhər Təhsil Şöbəsinin baş məsləhətçisi Gülxanım Orucova “15 İyun-Milli Qurtuluş Günü”  münasibətilə hər kəsi təbrik edərək bildirib ki, Ümummilli lider müasir, müstəqil Azərbaycan dövlətinin memarı və qurucusudur.

Tədbirdə Naxçıvan şəhər ümumtəhsil məktəblərində təhsil alan müxtəlif sahələrdə istedadları ilə fərqlənən 50 nəfərdən artıq şagird iştirak edib və şagirdlər şeir, musiqi, rəqs nömrələri səsləndiriblər. Eyni zamanda, “Üç alov” Beynəlxalq yaradıcılıq müsabiqəsində iştirak etmiş şagirdlər hazırladıqları kompozisiya ilə çıxış ediblər. Sonda şagirdlər tərəfindən hazırlanmış günün önəminin əks etdirən videoçarxlar nümayiş olunub.